НС АӨК қауымдастығының жылдың негізгі оқиғалары

- Қауымдастық мүшелерінің саны 12 несие серіктестігіне көбейді.

- НС микроқаржы қызметін жүзеге асыруға лицензия алды. Бұл НС қызметі ашық және мемлекет тарапынан реттелетінін білдіреді.

- «Аграрлық несие корпорациясы» АҚ, сақтандыру секторы, жетекші микроқаржы ұйымдары өкілдерінің қатысуымен тікелей трансляциялар сериясын іске қостық. Біз НС мәселелері, заңнамадағы соңғы өзгерістер, жаңалықтар туралы ашық айтамыз, сондай-ақ тәжірибе мен идеялармен бөлісеміз.

- НС қауымдастығының басқарма төрағасы, оның ішінде қаржы секторының өкілдері Қазақстан Республикасы Президентімен кездесті. Қауымдастықтың НС секторын дамыту бойынша ұсыныстары қарауға қабылданды.

- Біз дәстүрлі түрде Қаржыгерлер конгресіне қатыстық. Альмира Сагатованың баяндамасы ауылдық жерлерде қаржылық қызметтерге қолжетімділікті кеңейтудегі несиелік серіктестіктердің рөлі туралы болды.

- НС оқу орталығы 40 семинар мен тренингтер өткізді, оларға Қазақстан бойынша 700-ден астам НС қызметкерлері қатысты.

- Бізде баспасөз хатшысы мен smm-менеджерден тұратын PR-қызметі пайда болды.

2021 жылы біз бәсекелестік ортаға орала бастадық, кәсіпорындар мен ұйымдар өз қызметін қалпына келтіре бастады. Бұл ретте несие серіктестіктері реттеуші периметрге еніп, өз позицияларын сақтап қалды.

Бұған дейін НС-тің өзі де, Қауымдастық та көп жұмыс атқарды. Біз уақытымызды оқытуға арнадық, лицензия алудағы заңдық кедергілерді жою бойынша үлкен және қажырлы жұмыс жүргіздік.

Келесі жылы біз реттеуші жүктемені азайту және несиелік серіктестіктердің бар әлеуетін кеңейту бойынша жұмыстарға көңіл бөлеміз.